छिटै ल्याउँदैछ नोकियाले धमाकेदार स्मार्टफोन

Wed, Jan 27th, 2016:मा प्रकाशित

कुनै समय मोबाइल फोनको दुनियामा एकछत्र राज चलाएपनि अहिले अस्तित्वको संकटमा रहेको मोबाइल फोन निर्माता कम्पनी नोकियाले स्मार्टफोन बजारमा धमाकेदार पुनरागमन गर्दैछ ।Nokia-C1-Rumor
नोकिया कम्पनी अधिग्रहण गरेसँगै माइक्रोसफ्टले सन् २०१५ को डिसेम्बर सम्म नोकिया ब्राण्डबाट कुनैपनि स्मार्टफोन बनाउन नपाउने सर्त थियो । यो सर्तको समय अब सकिइसकेको छ । खबर अनुसार अहिले नोकिया कम्पनीले आफ्नो नयाँ फ्लागसिप स्मार्टफोन निर्माणमा काम गरिरहेको छ र छिटै यसलाई लन्च गर्ने तयारीमा छ ।

नोकियाको आसन्न स्मार्टफोनको तस्वीर चिनिया सोसल मिडिया विबोमार्फत सार्वजनिक भएको छ । यी लिक भएका तस्वीरमा नयाँ नोकिया स्मार्टफोनको फ्रन्ट, ब्याक तथा साइडको भाग देख्न सकिन्छ । स्मार्टफोनमा कम्पनीको लोगो ब्याक प्यानलको बीचमा रहेको छ । भोल्यूम तथा पावर बटन दायाँ भागमा छ । छेउँमा सिम स्लट पनि देख्न सकिन्छ ।

तर यसअघि विभिन्न खबरहरुमा सार्वजनिक भएको नोकियाले बनाइरहेको भनिएको सि वान स्मार्टफोन भन्दा अहिले सार्वजनिक भएको नोकियाको आगामी स्मार्टफोनकेा तस्वीर निकै भिन्न छ । त्यसैले नोकियाले खासमा ल्याउन थालेको स्मार्टफोन अघिल्लो सि वान हो की पछिल्लोपटक सार्वजनिक भए अनुासरको हो, द्धिविधा उत्पन्न भएको छ । यसको बारेमा नोकिया कम्पनीले केहीपनि बताएको छैन ।
Nokia
खबर अनुसार नोकियाले ल्याउन थालेको यो स्मार्टफोनमा ५ इन्चको डिस्प्ले हुनेछ जसको रिजोलुसन १०८० गुणा १९२० पिक्सेल हुनेछ । त्यस्तै अर्को भेरिएन्टको स्मार्टफोनमा ५.५ इन्चको डिस्प्ले हुने छ । अघिल्लो भेरिएन्टमा २ जिबीको र्याम, ३२ जिबीको इनबिल्ट स्टोरेज हुनेछ । ८ मेगापिक्सेलको मुख्य तथा ५ मेगापिक्सेलको सेल्फी क्यामरा रहनेछ ।

त्यस्तै साढे ५ इन्च डिस्प्ले भएको स्मार्टफोनमा भने ३ जिबी र्याम तथा ६४ जिबी इनबिल्ट स्टोरेज हुनेछ । यसको मुख्य क्यामरा १३ मेगापिक्सेल तथा फ्रन्ट क्यामरा ५ मेगापिक्सेलको हुनेछ । नोकियाका यी स्मार्टफोन एन्ड्रोइड मार्समेलो ६ र विन्डोज १० दुबै अपरेटिंग सिस्टममा उपलब्ध हुने दाबी गरिएको छ।

यो पोष्ट तपाईलाई कस्तो लाग्यो कृपया पढीसकेपछि Share गर्न नभुल्नुहोस ।
Pin on PinterestPrint this page
हाम्रा हरेको प्रकाशनलाई फेसबुकमा पढ्न तथा हेर्नको लागि यहाँ लाइक गर्नुहोस।

कृपया प्रतिकृया दिनुहोस

You must be Logged in to post comment.